Dr Babasaheb Ambedkar Statue | विश्रांतवाडीत साकारणार “डॉ. बाबासाहेब आंबेडकर” यांचा पूर्णाकृती पुतळा – पुणे महापालिका अतिरिक्‍त आयुक्‍तांची पाहणीनंतर जागा निश्‍चितीची सूचना

Vishrantwadi – विश्रांतवाडी, येरवडा परिसरातील मुकुंदराव आंबेडकर चौकात भारतरत्न डॉ. बाबासाहेब आंबेडकर यांच्या पूर्णाकृती पुतळ्याचे काम लवकरच सुरू होणार आहे. गेली अनेक वर्षे सर्व आंबेडकर प्रेमींचे हे स्वप्न असून, आता ते प्रत्यक्षात उतरणार आहे. भीमक्रांती बुद्ध विहार शेजारील जागा या प्रकल्पासाठी योग्य असल्याचे निश्चित करण्यात आले असून, त्या ठिकाणचा प्रस्ताव तयार करून कायदेशीर व प्रशासकीय मान्यता मिळवण्याच्‍या सूचना पुणे महापालिकेचे अतिरिक्‍त आयुक्‍त पृथ्वीराज बी. पी. (Prithviraj B P IAS) यांनी संबंधित अधिकाऱ्यांना दिल्‍या आहेत. यासाठी महापालिकेचे माजी उपमहापौर डॉ. सिद्धार्थ धेंडे यांनी पाठपुरावा केला. (Dr Siddharth Dhende)

माजी उपमहापौर डॉ. धेंडे यांच्या पुढाकाराने पुणे महानगरपालिकेचे अतिरिक्त आयुक्त पृथ्वीराज बी. पी. यांनी अधिकाऱ्यांसह चौकात येऊन जागेची पाहणी केली. यावेळी त्‍यांनी संबंधित विभागाच्‍या अधिकाऱ्यांना सूचना दिल्‍या. या पाहणी वेळी राजेंद्र आल्हाट, विशाल बोर्डे, रोहित कासारे, सुभाष चव्हाण, फैय्याज पाशा, सचिन शिंदे, सोमनाथ खंडाळे, सय्यद जिलानी, सोनल वाईकर आदी मान्यवर उपस्थित होते. तसेच महापालिकेचे अधीक्षक अभियंता गव्हाणे, कार्यकारी अभियंता धारव, सहाय्यक आयुक्त राजेश गुर्रम (येरवडा–कळस–धानोरी कार्यालय), संदीप पाटील आणि वॉर्ड ऑफिसमधील अधिकारी व कर्मचारी या पाहणीला उपस्थित होते.

या चौकात वाहतूक समस्‍या सोडविण्यासाठी महापालिकेच्‍या वतीने उड्डाणपूलाचे काम सुरू आहे. हा मुख्य चौक असल्‍याने या चौकातील दर्शनीय भागात डॉ. बाबासाहेब आंबेडकर यांचा पुर्णाकृती पुतळा असावा, अशी मागणी भीम अनुयायी करत आहेत. चौकाला कालकथित मुकुंदराव आंबेडकर यांचे नाव दिले आहे. हा चौक ऐतिहासिक आहे. या ठिकाणी बाबासाहेब हयात असताना स्‍वतः येऊन गेले आहेत. त्‍यामुळे या ठिकाणी भव्‍य पुतळा उभारावा, अशी इच्‍छा भीम अनुयायी व्‍यक्‍त करत आहेत. या चौकात बाबासाहेबांची जयंती आणि विचारांवर आधारित कार्यक्रम आयोजित केले जातात. तसेच संतांच्‍या पदस्‍पर्शाने पावन असलेला परिसर आहे. संत ज्ञानेश्‍वर माऊलींची पालखी या मार्गावरून जाते. त्‍यामुळे वाहतूकीस अडथळा न होता पुतळा व्‍हावा, यासाठी डॉ. धेंडे आणि सर्व भीम अनुयायांनी प्रयत्‍न केले.

त्‍यानुसार महापालिका अतिरिक्‍त आयुक्‍त पृथ्वीराज बी. पी. यांनी प्रत्‍यक्ष जागेची पाहणी केली. वाहतूकीस अडथळा होणार नाही, अशी जागा निश्‍चिती करण्याच्‍या सूचना दिल्‍या आहेत.

“बाबासाहेबांचा दर्शनीय भागात पुतळा यासाठी उपमहापौर असताना मी २०१८ मध्ये ठराव केला होता. माझ्यासोबत विहार कमिटीचे सर्व पदाधिकारी देखील पाठपुरावा करत आहेत. महापालिका भवन विभागाचा ठराव केला. विविध विभागाकडून पत्र घेतले. त्‍यासाठी वास्‍तूविशारद, वाहतूक विभाग यांच्‍या सूचनेनुसार पाहणी केली. अतिरिक्‍त्त आयुक्‍तांच्‍या सूचनेनुसार सध्या एक जागा निश्‍चित केली आहे. त्‍यासाठी वाहतूक विभागाचा ना हरकत दाखला मिळविण्यासाठी प्रयत्‍न करणार. जागा निश्‍चिती झाली की कला संचालनालयाची मान्‍यता मिळवून घेऊ. त्‍यानंतर सहा महिन्‍यातच म्‍हणजे एप्रिल मध्ये डॉ. बाबासाहेब आंबेडकर जयंती दिवशीच पुतळा अनावरण करण्याचा निर्धार केला आहे.”

– डॉ. सिद्धार्थ धेंडे, माजी उपमहापौर, पुणे महापालिका.Dr Siddharth Dhende Vishrantwadi scaled e1762179749225 768x1024 1

Uncategorized
Dr.Siddharth Dhende
Dr Babasaheb Ambedkar Statue | विश्रांतवाडीत साकारणार “डॉ. बाबासाहेब आंबेडकर” यांचा पूर्णाकृती पुतळा – पुणे महापालिका अतिरिक्‍त आयुक्‍तांची पाहणीनंतर जागा निश्‍चितीची सूचना

Vishrantwadi – विश्रांतवाडी, येरवडा परिसरातील मुकुंदराव आंबेडकर चौकात भारतरत्न डॉ. बाबासाहेब आंबेडकर यांच्या पूर्णाकृती पुतळ्याचे काम लवकरच सुरू होणार आहे.

Read More »
Uncategorized
watersoftwares@gmail.com
Dr Siddharth Dhende | धाराशिव मधील वाघोलीतील पुरग्रस्तांना मदतीचा हात

महाराष्ट्रातील मराठवाडा आणि इतर जिल्ह्यांमध्ये झालेल्या अतिवृष्टी आणि पुरामुळे अनेक कुटुंबांचे, जनावरांचे तसेच शेती आणि मालमत्तेचे मोठे नुकसान झाले आहे.

Read More »
Uncategorized
watersoftwares@gmail.com
मतदानाच्या मूलभूत अधिकारापासून वंचित झालेल्या नागरिकांना न्याय देण्याची जिल्हाधिकारी यांच्याकडे मागणी – डॉ सिद्धार्थ धेंडे

Dr Siddharth Dhende – मतदानाच्या मूलभूत अधिकारापासून वंचित झालेल्या नागरिकांना न्याय द्यावा, अशी मागणी माजी उपमहापौर डॉ सिद्धार्थ धेंडे जिल्हाधिकारी

Read More »
Uncategorized
watersoftwares@gmail.com
चंद्रमानगर येथील नागरिकांना मिळणार हक्‍काचा निवारा – आमदार बापू पठारे, माजी उपमहापौर डॉ. सिद्धार्थ धेंडे यांचा पाठपुरावा

Pune News – वडगाव शेरी मतदारसंघातील प्रभाग क्रमांक २ मधील चंद्रमानगर झोपडपट्टीतील रहिवाशांचे अनेक वर्षांपासून रखडलेले घरांचे स्वप्न अखेर साकार

Read More »
Scroll to Top